Од Ф4 ЦЕЗ академија до патека: Импресивното деби на Тренески во Формула 4

Од Ф4 ЦЕЗ академија до патека: Импресивното деби на Тренески во Формула 4

Ф4 ЦЕЗ Академијата, која започна кон крајот на зимата, го достигна својот возбудлив крај минатиот викенд на рингот во Словачка, каде што Стефан Тренески излезе како победник во последната серија и го направи својот прв настап во Ф4 ЦЕЗ серијата. Прочитајте го оригиналниот пост овде.

Пред трките за викендот, Тренески и неговиот колега финалист Лукаш Хулик го завршија тестирањето во Четврток, секој под различни услови на патеката. На крајот, Тренески ја заработи предноста и продолжи да учествува во петтата рунда на Ф4 ЦЕЗ шампионатот и во Твинго купот истиот викенд.

“Моето деби во Формула 4 на Slovakia Ring беше искрено остварување на сонот. На почетокот бев нервозен бидејќи сè изгледаше толку ново – брзината, притисокот, прецизноста која беше потребна. Но, како што викендот поминуваше, почнав да се чувствувам сè поудобно со секој круг. Кога стигнав до првата трка, веќе бев самоуверен и се борев со возачи кои имаа многу повеќе искуство. Само уживав во секој круг, притискајќи се повеќе и сфаќајќи дека припаѓам тука”.

Стабилен напредок во текот на викендот

Неговата изведба покажал постојано подобрување:

• Квалификациска трка: Се квалификува на 17. место од 19 и заврши на еднаква позиција.
• Трка 2: Повторно заврши на 17. место.
• Трка 3: Се искачи на 13. место, активно борејќи се за бодови.

“Тоа беше огромно искуство за учење. Формула 4 е огромен чекор во споредба со било што што сум возел претходно. Морав брзо да се прилагодам на автомобилот, зоните за кочење, менаџирање на гумите и исто така на интензитетот на трките против толку силна конкуренција. Секоја сесија ме научи нешто ново и го напуштив Slovakia Ring како сосема различен возач од оној во Четвртокот”.

Шифт кон Твинго купот

Откако излезе од болидот на Формула 4, Стефан веднаш се префрли на многу различен болид, од Твинго купот, и постигна впечатливи резултати: трето место проследено со второ место во двете трки.

“Дефинитивно не беше лесно да се префрлам помеѓу двете коли. Болидот на Формула 4 бара таква прецизност и агресија, додека болидот на Твинго купот има помала моќ и со него треба да се тактизира поинаку. Ментално, тоа беше голем предизвик, но прилагодливоста е една од моите силни страни како возач, па успеав да бидам конкурентен и во двете области”.

Вредноста на академијата

Од самиот почеток на Академијата, Стефан постојано беше одличен во сите тренинзи – автослалом, сим трки, медиуми и ментална подготовка, како и физичка подготовка – секогаш со иста цел.

“Академијата секогаш беше за градење на вештини и знаења за да се стигне до Формула 4 и сè што го направив во програмата беше со таа цел и умисла. Да го достигнам тоа оваа година и да го направам моето деби, ми покажува дека напорната работа се исплаќа. Академијата е неверојатна. Најголемата вредност за мене беше знаењето што го стекнав, не само за техниките на возење туку и за фитнесот, менталната подготовка и работата со инженери. Тоа е комплетна програма која ве подготвува да бидете професионален возач и ви дава шанса да го живеете сонот. Структурата на програмата навистина ме подготви за Формула 4”.

Иднина

Стефан сега се подготвува за трките во Брно на 6-7 Септември, каде што повторно ќе се натпреварува во Твинго купот и Формула 4.

“Освојувањето на Академијата ми даде можност од сонот да изградам пат кон Формула 1 и јас апсолутно ќе го искористам тоа. Сега го почувствував вкусот на Формула 4 и сум гладен за повеќе. Ќе ме видите на патеката на Ф4 ЦЕЗ следната сезона, и јас ќе искористам се од себе за да се борам за победи”.